Burudani4Life

DITTO APIGA REMIX YA ”NIAMINI” YA PROF JAY

Msanii mahiri wa muziki nchini Tanzania kutoka kundi la Tanzania House Of Talents (THT) amefunguka kuwa amepiga remix kali Classic song ya nyimbo ya nyimbo iliyowahi kutamba ”Niamini” ya gwiji wa muziki Prof. Jay na anatarajiwa kuiachia hivi karibuni ikiwa ni moja ya project zake kali zinazofuata.

Ditto pia amebainisha kuwa video ya nyimbo yake inayotamba kwa sasa Tushukuru kwa yote imekamilika na ataiachia katika station mbalimbali muda wowote kuanzia sasa ambapo amesisitiza mashabiki wake kukaa tayari kwa vitu vyake vikali.

P UNIT WALAMBA BINGO

Kampuni maarufu ya kompyuta duniani, inasemekana kuchagua kundi la muziki la P Unit kama wawakilishi ama uso wa bidhaa zao ndani ya Kenya

Uidhinishaji wa mpango huu utakuwa ni leo ambapo mkataba huu utasainiwa katika ofisi za kampuni hii maarufu zilizopo Upper Hill, na inasemekana kuwa utakuwa ni mkataba wa mamilioni ya shilingi kwa mujibu wa vyanzo vya habari.

Kama P-Unit wataingia katika mpango huu, hii itakuwa ni mara ya kwanza kwa kampuni kubwa ya masuala ya teknolojia ya mawasiliano na taarifa kuwatumia watu mashuhuri kama mabalozi wa bidhaa hasa katika Kenya.

LIl WAYNE MATATANI SA

Rapa Lil Wayne a.k.a Weezy, ameripotiwa kuingia katika ugomvi na kupigana alipokuwa ziarani nchini Afrika Kusini sambamba na kundi lake la Young Money.

Weezy aliingia katika ugomvi huo baada ya kukutana na rapa mwenye swagga kama zake wa nchini humo anayejulikana kama Young Nucho katika ukumbi mmoja wa starehe ambapo uwepo wake ulionekana kumkera Weezy.

Weezy alitaka rapa huyo aondoke mahali hapo na ugomvi ukatibuka baada ya Nucho kugoma kuondoka na kwa mujibu wa taarifa zisizo rasmi wawili hao pamoja na wapambe wao walikoromeana hadi kufikia hatua ya Weezy kumpiga kofi Nucho.